തുഞ്ചന്‍ പറമ്പ് ബ്ലോഗര്‍ സംഗമം 2015

ഓണ്‍ ലൈന്‍ ലോകത്തെ സൗഹൃദങ്ങള്‍ ഓഫ് ലൈനിലേക്കും ഇറങ്ങി വരുന്നത് ഇന്നത്തെ മനോഹരമായ കാഴ്ചകളില്‍ ഒന്നാണ്. ബ്ലോഗിലൂടേയും, വിവിധ സോഷ്യല്‍ മീഡിയകളിലൂടേയും പരിചയപ്പെട്ടവര്‍ ഒത്തു ചേര്‍ന്ന് ഒരു കുടുംബമായി മാറുകയും, പുതിയ പല സംരഭങ്ങള്‍ക്കും തുടക്കം കുറിക്കുകയും ചെയ്യുന്നത് സമൂഹത്തിന്റെ നന്മ തന്നെയാണ്.

തുഞ്ചന്‍ പറമ്പ് - മലയാള ഭാഷയുടെ പിതാവെന്നറിയപ്പെടുന്ന തുഞ്ചത്തെഴുത്തച്ഛന്റെ ജന്മസ്ഥലം. മലപ്പുറം ജില്ലയിലെ തിരൂരിലാണ് തുഞ്ചന്‍ പറമ്പ് സ്ഥിതി ചെയ്യുന്നത്. മലയാള ഭാഷയെ സ്നേഹിക്കുന്ന ഓരോ ചരിത്ര വിദ്യാര്‍ത്ഥിയും മലയാളത്തിന്‍റെ വേരുകള്‍ തേടി അവസാനമെത്തുന്ന സ്ഥലം.

ഭാഷാ പിതാവിന്റെ മണ്ണ് ഇത്തരത്തില്‍ രണ്ടു സംഗമങ്ങള്‍ക്ക് സാക്ഷ്യം വഹിച്ചിരുന്നല്ലോ. ഒരിക്കല്‍ കൂടി മലയാളം ബ്ലോഗ്ഗര്‍മാര്‍ തുഞ്ചന്റെ അക്ഷര മുറ്റത്ത് ഒത്തുകൂടുന്നു.

2015 ഏപ്രില്‍ 12 ന് മലയാളം ഓണ്‍ലൈന്‍ ലോകം തുഞ്ചന്റെ മണ്ണില്‍ ഒരിക്കല്‍ കൂടി സംഗമിക്കുന്നു.

ബ്ലോഗ്‌, ഫേസ്‌ബുക്ക് തുടങ്ങി എല്ലാവിധ ഓണ്‍ലൈന്‍ മാധ്യമങ്ങളിലും ഉള്ള സൈബർലോകത്തെ അക്ഷര കുതുകികൾ മലയാളത്തിന്റെ തറവാട്ടുമുറ്റത്തെത്തുമ്പോള്‍ അവരിൽ താങ്കളും ഉണ്ടാവണമെന്ന്  ആഗ്രഹമുണ്ട്. മീറ്റില്‍ ബ്ലോഗര്‍മാര്‍ അല്ലാത്തവര്‍ക്കും പങ്കെടുക്കാവുന്നതാണ് എന്ന കാര്യം പ്രത്യേകം ശ്രദ്ധിക്കുമല്ലോ.

മീറ്റിന്റെ വിശദാംശങ്ങള്‍ ഈ ബ്ലോഗിലൂടെ അറിയിക്കുന്നതായിരിക്കും.

മീറ്റില്‍ പങ്കെടുക്കാന്‍ കഴിയുന്നവര്‍ മുന്‍കൂട്ടി വിവരം അറിയിക്കേണ്ടതാണ്. അതിനായി ഈ പോസ്റ്റിന്റെ കമന്റ് ബോക്സ് ഉപയോഗപ്പെടുത്തുക. കഴിയുമെങ്കില്‍ നിങ്ങളുടെ ഇ മെയില്‍ അഡ്രസ്സും, മൊബൈല്‍ നമ്പറും കമന്റില്‍ ഉള്‍പ്പെടുത്തുക. ആവശ്യമായ സൗകര്യങ്ങൾ ഒരുക്കുന്നതിന് എത്രപേർ പങ്കെടുക്കുമെന്ന് മുൻകൂട്ടി ധാരണയുണ്ടാവുന്നത് നല്ലതാണല്ലോ. അതുകൊണ്ടുതന്നെ കഴിഞ്ഞതവണത്തേപ്പോലെ ഹാജരു പറയാൻ മടിക്കരുത്.

ഈ മീറ്റിന്റെ ലോഗോ എല്ലാവരും ബ്ലോഗില്‍ ഉള്‍പ്പെടുത്തിയും, സോഷ്യല്‍ മീഡിയകളില്‍ ഷെയര്‍ ചെയ്തും തുഞ്ചന്‍ മീറ്റിന്റെ പ്രചാരണത്തിലും പങ്കാളിയാവാന്‍ ശ്രമിക്കുമല്ലോ. താമസസൗകര്യമോ മറ്റെന്തെങ്കിലും സഹായമോ ആവശ്യമുണ്ടെങ്കിൽ അതും അറിയിക്കുമല്ലോ.. (ഹെല്പ് - 9400006000)

തുഞ്ചന്റെ മണ്ണില്‍ കാണാം എന്ന പ്രതീക്ഷയോടെ.....